Ümumdünya Səhiyyə Təşkilatı (ÜST) koronavirusun yayılmasını 2020-ci il martın 11-də pandemiya elan edib. Həmin vaxt planetdə 114 ölkədə ümumilikdə 118 min yoluxma halı qeydə alınmışdı, gündə isə təxminən 5 min yeni hal aşkar edilirdi.

Nazirlər Kabineti yanında yaradılan Operativ Qərargah COVID-19 koronavirus infeksiyasına ölkədə ilk yoluxma hadisəsini 2020-ci il fevralın 28-də qeydə almışdı. Yoluxan şəxs İran tərəfdən Azərbaycanın sərhədini keçən Rusiya vətəndaşı idi.

Qeyd edək ki, 2021-ci il martın 10-na olan məlumata görə, bu günə qədər Azərbaycanda koronavirus infeksiyasına 237 min 775 yoluxma halı qeydə alınıb. 230 min 116 nəfər müalicə olunaraq sağalıb, 3257 nəfər vəfat edib, 4402 xəstənin müalicəsi davam edir. Ötən dövr ərzində 2 milyon 671 min 613 test keçirilib.