Bugünkü ekologiya, az hərəkətli həyat tərzi, zərərli vərdişlər, düzgün qidalanmama qan damarlarında kifayət qədər ciddi problemlər yaradır, müxtəlif damar xəstəliklərinə səbəb olur. Buna görə də mütəmadi olaraq damarların qayğısına qalmaq, onların təmizlənməsini təmin etmək sağlamlıq üçün olduqca vacibdir.
Aztibb.az qan damarlarını təmizləmək üçün alman reseptini təqdim edir:
Tərkibi:
orta ölçülü zəncəfil kökü - 1 ədəd
qabıqlı limon - 4 ədəd
sarımsaq - 4 diş
su - 2 litr
Hazırlanması
Limonlar və zəncəfil kökü yüyülür. Limonlar doğranır, zəncəfil isə blenderdə üyüdülür. Sarımsaq təmizlənir, blenderə əlavə edilir və yaxşı üyüdülür. Qarışıma su əlavə edilib, odun üstündə qaynayana qədər saxlanılır və qaynayan kimi götürülüb soyumağa qoyulur. Soyuduqdan sonra şüşə bankaya yığılır və soyuducuda saxlanılır.
Qəbul edilmə qaydası
Qarışımı qəbul etməzdən əvvəl bankanı yaxşı çalxalayın. Hazırlanan dərmanı yeməkdən 2 saat əvvəl acqarına 1 qaşıq qəbul etmək lazımdır. Müalicə müddəti 3 həftədir. Lazım gəldikdə isə müalicəni qısa müddət fasilə verdikdən sonra yenidən başlamaq mümkündür.