Böyrəklərin fəaliyyəti orqanizmdə maye şəklində olan maddələri süzməkdən ibarətdir. Böyrəklərin fəaliyyəti zamanı böyrəklərdə toksinlər, duzlar və daşlar yığılıb qala bilir. Bu səbəbdən də vaxtaşırı böyrəklərin detoksiyasiyası, müalicəsi və müayinəsi vacib sayılır.

Aztibb.az böyrəkləri ev şəraitində asanlıqla təmizləməyin yollarını təqdim edir:

Bir dəstə cəfərini təmiz yuyub şirəli qazana qoyun və üzərini örtəcək qədər su əlavə edin. Qazanı odun üstünə qoyun və qaynayana qədər gözləyin. Cəfəri zəif odun üstündə 10 dəqiqədən artıq qaynamamalıdır. Dəmləməni soyumağa qoyun və gündə ən azı 1 stəkan için.

Mütəxəssislər bu müalicəyə başlamazdan əvvəl böyrəklərində daş olan xəstələri mütləq həkimləri ilə məsləhətləşməyi tövsiyə edir. Dəmləmədən gün ərzində istədiyiniz qədər içə bilərsiniz.

Bildirilir ki, müalicəni ayda 2 dəfə 7 gün olmaq şərti ilə təkrarlasanız bir neçə ay ərzində böyrəkləriniz tamamilə təmizlənmiş olacaq. Müalicə aybaşı ağrılarının da aradan qalxmasına yardım edir.

Bu müalicə təbii olmaqla yanaşı, həm də təhlükəsiz sayılır, amma, hamilələrə dəmləmədən çox qəbul etməyə icazə verilmir.

Cəfəri dəmləməsindən başqa çoxlu qarpız yemək, limonlu su içmək də böyrəkləri təmizləyən təbii vasitələrdən hesab edilir.