Avstriyanın Salzburq şəhərində yeni növ koronavirusun Braziliyada yayılan ştammına ilk yoluxma halı qeydə alınıb.

Aztibb.az xarici mətbuata istinadən xəbər verir ki, yeni ştamm yalnız bir nəfərdə müəyyən edilib.

"Bu günə qədər Salzburq səhiyyə orqanları P.2 virusunun Braziliya variantına bir yoluxma təsdiqləyiblər", - deyə məlumatda qeyd edilib.

Xatırladaq ki, 2021-ci ilin yanvarında Avstriyada geniş yayılmış və fevral ayında sərt karantin müddətinin uzadılmasına səbəb olan koronavirusun Cənubi Afrika və Böyük Britaniya ştammı aşkarlanmışdı.