Aparılan araşdırmalarda koronavirusun bir çox orqanlara təsir etdiyi ortaya çıxıb.

Aztibb.az xarici KİV-ə istinadən xəbər verir ki, COVID-19 ürək əzələ hüceyrələrini öldürmək dərəcəsində onlara zərər verir.

Araşdırmanı aparan tədqiqatçı-mütəxəssis J.Lavine açıqlamasında bildirib ki, pandemiyanın əvvəllərindən koronavirusun sağlam insanlarda infarkt və bir sıra problemlərə səbəb olmasına dair sübutlar var:

"Bundan başqa, virusa yoluxub sağalan idmançılarda da bu kimi problemlərə rast gəlinib. Bunun virusun birbaşa ürəyə təsir etməsi və ya ağciyər infeksiyasından qaynaqlanmasına dair araşdırmalar apardıq. Nəticədə koronavirusun ürəyi, xüsusən ürək əzələ hüceyrələrini öldürüdüyü sübut edildi".