Aztibb.az TƏBİB-ə istinadən xəbər verir ki, ölkəmizdə və dünyanın bir çox ölkələrində, koronavirusa qarşı vurulan Çinin “Sinovac Biotech” şirkətinin istehsal etdiyi “CoronaVAC” peyvəndinin 3-cü klinik faza mərhələsinin nəticəsi elan edilib.

 

Türkiyə Respublikasının Hacettepe Üniversiteti tərəfindən 24 mərkəzdə aparılan 3-cü faza sınaqlarının nəticəsində peyvəndin virusa qarşı effektivliyi 83.5%, eyni zamandan peyvəndin virusa yoluxmuş şəxslərin xəstəxana şəraitində yatmalarının qarşısının alınması isə 100% olaraq müəyyən edilib. Qeyd edək ki, sınaq zamanı ölüm müşahidə edilməmişdir.