Bakı Şəhəri üzrə Təhsil İdarəsinin müdiri Mehriban Vəliyeva müəllimlərin peyvənd olunması məsələsini şərh edib.

Aztibb.az-ın məlumatına görə, idarə müdiri jurnalistlərə açıqlamasında bildirib ki, vaksinasiya könüllüdür, amma zəruri olaraq keçirilməsi vətəndaş məsuliyyəti və peşə təəssübkeşliyinə görə olmalıdır:

“Vaksinasiya olunan şəxslər mütləq həkim müayinəsindən keçir, yanaşı xəstəlikləri varsa, vaksinasiya olmur. Göstəricilərə uyğun vaksinasiya olunur. Dövlətin yaratdığı imkandan istifadə etməliyik”.

Qeyd edək ki, bu gündən müəllimlərin vaksinasiyasına başlanılıb.