Son günlər yeni növ koronavirus (COVID-19) infeksiyasına yoluxma sayı yenidən artmağa başlayıb. Hətta bəzi günlərdə ikirəqəmli ədədə düşən yoluxma sayı hazırda 200-ü ötüb. Bu isə həkimləri yenidən “həyəcan təbili” çalmağa vadar edir.
Aztibb.az xəbər verir ki, Mərkəzi Gömrük Hospitalının həkim-kardioloqu Nigar Rəhmətova deyib: “Xəstəliyin yayılması və artması həm də əhalinin sanitar-gigiyenik normalara əməl etməsi dərəcəsi ilə əlaqədardır. Xüsusən maska taxmaq və məsafə saxlamaq qaydasına ciddi riayət olunmalıdır. Maska taxmamışdan əvvəl əllər dezinfeksiya edilməli və üç saatdan sonra tibbi maskalar dəyişdirilməlidir”.
Qeyd edək ki, infeksiyanın sürətlə yayılmasının qarşısının alınması üçün aparılan vaksinasiya prosesi isə davam edir. İndiyədək ölkə üzrə 300 minə yaxın vətəndaşa vaksin vurulub.
