Reyşi göbələyinin tərkibindəki beta-qlükanlar xərçəng hüceyrələri ilə mübarizə aparan hüceyrələrin sayını külli miqdarda artırır.

Aztibb.az xəbər verir ki, bu barədə fitoterapevt Elnur Eldaroğlu məlumat verib.

O, bildirib ki, reyşi makrofaqların ömrünü uzadır:

"Həmçinin makrofaqların aktivizasiyasına səbəb olur, bundan sonra makrofaqlar nəinki xərçəng hüceyrələrinə qarşı, insan orqanizminin istənilən dəyişilmiş hüceyrələrinə qarşı da sitotoksiki təsir göstərir.

Reyşinin tərkibindəki polisaxaridlər şiş hüceyrələrinin nekroz faktorunu və "interleykin 1-6"nı 10-30 dəfə artırır.

Təcrübələr göstərib ki, reyşi qəbul edən xərçəng xəstələrinin orqanizmi müalicəyə kimyəvi terapiya və şüalanma prosesindən keçən pasiyentlərdən daha yaxşı cavab verir.

Reyşinin tərkibindəki triterpenlər şiş hüceyrələrinin böyüməsini bilavasitə dayandırır.

Betasterinlər isə (reyşinin hüceyrə membranının əsas tərkib hissəsi) xərçəng hüceyrələrinin əmələgəlmə və böyüməsini dayandırır.

Belə bir dolayı mexanizm də mövcuddur – reyşinin tərkibindəki D6 polisaxaridi sümük iliyində nuklein turşularının sintezini 50%, zülalların sintezini isə 29% artırır, nəticədə B-limfositlər vasitəsilə şiş hüceyrələrinə qarşı antitel sintezi artmış olur.

Reyşidən effektiv təsirli ekstrakt almaq üçün ilk öncə qurumuş gavalı ağacında yetişmiş qırmızı reyşi göbələyi seçilməli və daha sonra o, öz xitin təbəqəsindən ayrılmalıdır. Çünki xitin təbəqəsi də ekstrakta qarışarsa, bu göbələyin effektiv təsirini, daha doğrusu beta-qlükanın təsirini azaltmış olacaq".