Fransanın biotexnologiya şirkəti olan “Xenothera” donuzlardan alınan antikor maddələrə əsaslanan COVID-19 müalicəsinin effektivliyini yoxlamaq üçün 20 xəstəxanada klinik sınaqlara başlayıb.

Aztibb.az TASS-a-a istinadən xəbər verir ki, hələlik klinik test mərhələsində olan bu müalicənin məqsədi ağır koronavirus xəstələrini yaxşılaşdırmaqdır.

Dekabr ayında başladılan "Polycor" test proqramı çərçivəsində ümumilikdə 67 xəstə müalicə edilib.

Şirkətdən verilən açıqlamada bildirilib ki, “Xav-19” adlı müalicə “Sars-CoV-2” virusuna qarşı yönəlmiş bir poliklonal antikordur.

Müalicənin koronavirus xəstələri üçün ümidverici olduğunu vurğulayan mütəxəssislər, həmçinin "Xav-19” üçün antikorların donuzdan alınaraq insanlarla uyğun formada dəyişdirildiyini bildiriblər.