İtaliyanın yeni Baş naziri Mario Draghinin Avropa Birliyi (AB) Liderləri zirvə görüşündə COVID-19 peyvəndlərinin yalnız ilk dozasının vurulması ilə bağlı təklifinin bu ölkədə həyata keçirilməsi planlaşdırılır. Strategiyada ediləcək dəyişikliklə ikinci doza üçün ayrılmış vaksinlərin 30 faizi ilə qısa müddətdə təxminən 2 milyon insanın peyvənd olunacağı planlaşdırılır.

Aztibb.az medimagazin.com.tr-yə istinadla xəbər verir ki, bu istiqamətdə ilk addımı İtaliya Dərman Agentliyi atıb. Agentlik COVID-19-dan sağalan xəstələrə tək doza peyvənd vurulmasının kifayət olacağını bildiriblər. Səhiyyə Nazirliyi bu addımı təsdiq edərsə, ölkədə COVID-19-dan sağalmış 2 milyon 400 min nəfərə tək peyvənd dozası tətbiq ediləcək.

Mario Draghi AB Liderləri Sammitində son araşdırmaları nümunə göstərərək bütün Avropada peyvəndlərin ilk dozasının tətbiqinə üstünlük verilməsini təklif edib.

İtaliya Baş nazirinin təklifi AB tərəfindən qəbul olunmasa da, İtaliyada ölkə daxilində strategiyanın dəyişdirilməsi nəzərdə tutulur.