Talassemiya daşıyıcılığı cütlüklərdən birində aşkar olunubsa, digər tərəf mütləq gizli gen daşıyıcılığı nəzərə alınaraq hemotoloqun konsultasiyasından sonra daha dərin genetik müayinəyə göndərilməlidir.

Aztibb.az xəbər verir ki, bu barədə Milli Hematologiya və Transfuziologiya Mərkəzindən məlumat verilib.

Məlumatda qeyd edilib ki, dərin genetik müayinədə də talassemiya daşıyıcılığı cütlüyün yalnız birində aşkar olunarsa, bu nikahdan talassemiyalı uşaq doğula bilməz:

"Hər iki fərddə talassemiya daşıyıcılığı aşkar olunubsa, bu nikahdan 25% talassemiyalı uşağın doğulma etimalı var. Bu isə mayalanma zamanı hansı genli hüceyrələrin görüşməsindən asılıdır.

Ola bilər ki, hər iki valideyn daşıyıcı olsun, lakin ilk iki və ya üç uşaq sağlam, IV uşaq isə talassemiyalı doğulsun.

Nikah öncəsi müayinədə hər iki cütlükdə talassemiya daşıyıcılığı aşkar olunduqda, onlar ailə planlanması (hamiləlik) zamanı talassemiyalı uşağın doğulmaması üçün hematoloqa müraciət etməlidirlər".