“Pfizer” və “BioNTech” əczaçılıq şirkətinin birgə hazırladığı koronavirusa qarşı dərman 18 və yuxarı yaşlı hamilə qadınlar üzərində sınaqdan keçirilməsinə başlanılıb.

“BioNTech” şirkətinin saytında yerləşdirilən açıqlamaya görə, sınaqlar 4 minədək sağlam hamilə qadının 24-34 həftəsində iştirakı ilə təsadüfi seçimlə, plasebo nəzarətli, müşahidəsiz tədqiqat kimi qurulur. Tədqiqat dərmanın iki dozu və ya plasebo vasitəsilə 21 gün aparılacaq. Hər iştirakçı təsadüfi seçimlə dərman vurmağa və ya plaseboya qəbul edilməsindən asılı olaraq tədqiqatda 7 ay, yaxud 10 ay iştirak edəcək. Doğulacaq körpələr də 6 aylığınadək müşahidə altında olacaq.

“Pfizer” və “BioNTech” şirkətləri qarşıdakı aylarda dərmanı 5-11 yaşlarındakı uşaqlar üzərində, ilin sonunadək də 5 yaşından kiçik uşaqlar üzərində sınamağı da nəzərdə tutur. Dərmanın 12-15 yaşlarında uşaqlar üçün təhlükəsiz və səmərəli olduğunun indiyədək keçirilmiş tədqiqatlar zamanı dəyərləndirildiyi, bu ilin ikinci rübündə aidiyyəti qurumlar tərəfindən təsdiqlənməsi gözlənildiyi bildirilir.