Biorevitalizasiya hialuron turşusu inyeksiyaları ilə dərinin cavanlaşdırılmasıdır.
Bu prosedur barədə həkim-kosmetoloq Günel Əlizadə məlumat verib.
O, bildirib ki, bu prosedur müxtəlif preparatlarla yerinə yetirilir:
"Amalian, Aquashine, Filorga, Hyalrepair və sair tipli pereparatlar vasitəsilə həyata keçiriliən biorevitalizasiya dərini dərindən nəmləndirir, dəri hidrobalansını bərpa edir, regenerasiyanı stimullaşdırır, dermada kollagen sintezini artırır".
Həkim qeyd edib ki, biorevitalizasiyanın nəticəsi dermanın restrukturizasiyasından ibarətdir:
"Onun sayəsində dəri cavanlaşır, onun elastikliyi, mikrosirkulyasiyası və nəmlik səviyyəsi artır. Toxumaların fizioloji xüsusiyyətlərinin bərpası hesabına zamanla biorevitalizasiya effekti güclənir".
