Ən məşhur antibiotiklərdən olan azitromisini bütün koronavirus xəstələri, hətta sadəcə burnu axanlar da alıb qəbul edir Hesablamalara görə, təkcə bu dərmana əhali milyonlarla pul xərcləyib. Lakin indi azitromisin koronavirusun müalicə sxemindən çıxarılır.

Hazırda Rusiya Səhiyyə Nazirliyinin yeni metodik müalicə tövsiyəsində də koronavirusun müalicə və profilaktikasında bu dərmanın adı çıxarılıb.

Həkim Mariya Tişenko bildirib ki, 2020-ci ildə koronavirus yeni öyrənildiyi müddətdə virus ağciyərlərdə pnevmoniya verdiyi üçün azitromisindən istifadə edilirdi:

"İlkin mərhələdə hidrosixloroxin adlı malyariya dərmanı ilə azitromisin antibiotikinin kombinasiyasının xəstələrə yaxşı təsir etdiyini gördük. Ona görə bu dərmanlar orta ağır və ağır reanimasion xəstələrin sxeminə daxil edildi. Bundan sonra isə insanlar özləri apteklərdən azitromisini alıb, qəbul etməyə başladı və bu dərmanın defisiti yaşandı. Koronavirus xəstəxanaları da kütləvi şəkildə bu dərmanı alıb depolayırdı. Bu da milyonlarla vəsait deməkdir.

2021-ci ilin fevralından RF Səhiyyə Nazirliyi azitromisinə bu qədər maliyyə sərfiyyatının özünü doğrultmadığını və bu dərmanın 90% hallarda COVID xəstələrində istifadənin faydasız olduğunu bəyan etdi.

Müalicələr zamanı müşahidələr göstərdi ki, azitromisin COVIDzamanı müalicəyə təsir etmir, ağır gedişli xəstələrdə proqnozu yaxşılaşdırmır, burda başqa antiviral dərmanlar istifadə olunmalıdır.

Əksinə xəstəyə azitromisin verdikdə onun toksiki təsirindən əlavə yan təsirlər baş verir, immunitet zəifləyir. Bakteriyaların azitromisinə rezistentliyi, yəni dayanıqlığı artır və artıq bu dərman insan orqanizmi üçün zəif, lazımsız preparata çevrilir".