COVID-19-a qarşı vaksin vurdurduqdan sonra işimə davam etdim, indi özümü çox yaxşı hiss edirəm, heç bir narahatlığım yoxdur.

Aztibb.az-ın məlumatına görə, bunu Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmancı deyib.

Onun sözlərinə görə, bu gün COVID-19-a qarşı peyvəndin ilk dozasını vurdurub:

"Bu imkanı yaratdığı üçün Azərbaycan dövlətinə təşəkkür edirəm. Nə qədər çox insan vaksin vurdurarsa, pandemiya ilə mübarizədə o qədər iş görmüş olacağıq. Buna görə də hər kəsi mümkün olduğu zaman vaksin vurdurmağa dəvət edirəm".

Qeyd edək ki, H.Harmancının vaksinasiyası Bakı Sağlamlıq Mərkəzində aparılıb.