Rusiyada son sutka ərzində daha 14 185 nəfər yeni növ koronavirusa (COVID-19) yoluxub.

Rusiya Operativ Qərargahının məlumatına görə, ölkədə COVID-19-a yoluxanların sayı 4 071 883  nəfərə çatıb.

Son sutka ərzində 430 nəfərin koronavirusdan öldüyü bildirilib. Ümumilikdə koronavirusdan ölənlərin sayı 80 126  nəfərə çatıb.

Gürcüstanda son sutka ərzində yeni növ koronavirusa (COVID-19)  357 yoluxma halı qeydə alınıb, 9 nəfər ölüb.

Bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.  Bununla da qonşu ölkədə koronavirusa yoluxanların sayı 265 557, ölənlərin sayı isə 3 352 nəfərə çatıb.

Virusa yoluxanlardan 258 093 nəfərin sağaldığı bildirilir.

Ermənistanda son sutkada 145 nəfərdə yeni növ koronavirusa (COVID-19) yoluxma halı qeydə alınıb.

"Sputnik Armenia"nın xəbərinə görə, bu barədə Ermənistanın Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi məlumat yayıb.

Qeyd edilib ki, bununla da Ermənistanda koronavirusa yoluxanların sayı 169 167-yə çatıb.

Son sutka ərzində koronavirusdan daha 1 nəfər ölüb, bununla da ölkədə virusdan ölənlərin sayı 3141-ə çatıb.