“Vaksinasiya hələlik Avropada koronavirusu nəzarətə götürmək üçün kifayət deyil”.
Aztibb.az İHA-ya istinadən xəbər verir ki, bunu Ümumudünya Səhiyyə Təşkilatının Avropa üzrə direktoru Hans Kluqe deyib.
“Vaksinin gücünə təsir edə biləcək mutasiyaları gecikdirmək və yoluxmanı azaltmaq üçün əlimizdən gələn hər şeyi etməliyik. Yoluxmanı indi dayandıra bilməsək, pandemiyanı nəzarətə götürmək üçün peyvəndlərdən gözlənən faydalar kifayət etməyə bilər”, - o qeyd edib.
Kluqe vurğulayıb ki, Avropada koronavirus pandemiyasından ölüm sayı iki həftədir azalsa belə, rəqəmlər hələ də çox yuxarıdır:
“İki gün əvvəl Avropa bölgəsindəki 40 ölkə, 24 saat içində 3 min 610 ölüm bəyan edib. İndi vaksin ümidi ilə yanlış bir təhlükəsizlik hissi arasında incə bir xətt var”.
