Cənubi Koreyada ev heyvanlarının da yeni növ koronavirus üçün testinə başlanılıb.

Aztibb.az xəbər verir ki, Cənubi Koreyanın paytaxtı Seulda evdə saxlanılan it və pişiklərin test edilməsinə başlanılıb.

Ev heyvanlarından test üçün yaxma burun və rektal bölgədən götürülür. Götürülən yaxma isə daha sonra heyvanlar üçün olan labaratoriyaya göndərilərək analiz edilir.

Qeyd edək ki, it və pişiklərin də koronavirus testindən keçirilməsi ev heyvanlarında yoluxma sayının artması ilə əlaqədardır.

Mütəxəssislərin fikrincə, insanlarla birlikdə ev heyvanlarına da COVID-19 əleyhinə vaksin vurulmalıdır.