Həkim bildirib ki, ürək-damar və şəkər xəstəliyi olan insanlar, təzyiq problemi yaşayanlar, müəyyən əməliyyat keçirənlər, eləcə də ürəyinə stend qoyulan şəxslər risk qrupuna daxil olan insanlardır.

 

Ümumdünya Səhiyyə Təşkilatının tövsiyələrində də ilk növbədə bu kimi xəstələrin peyvənd olunması qeyd olunur. Çünki yüksək risk qrupuna daxil olan həmin insanlarda COVID-19-un fəsad yaratma riski yüksəkdir və daha çox ölümə səbəb olur:

 

"Cəmiyyətdə, insanlar arasında yalnış düşüncələr mövcuddur ki, müəyyən xroniki xəstəliyi olan insanlar peyvənd olunmamalıdır. Hətta bəzi həkimlər də eyni fikirdədirlər. Bu, qətiyyən qəbulolunmazdır. Açıq ürək əməliyyatı olan pasiyentlər və digər risk qrupuna daxil olan insanlar ilk növbədə peyvənd olunmalıdırlar".

 

"Siz də koronavirusa yoluxub sağalmısınız, bəs özünüz peyvənd olunmusunuzmu?" sualına isə "xeyr" cavabını verən həkim diqqətə çatdırıb ki, COVID-19-u keçirən insanlarda 6 ay müddətində bu virusa qarşı immunitet formalaşır.