Koronavirusa qarşı yaranmış immunitet yeni ştamlarla mübarizədə təsirsiz ola bilər.

Aztibb.az xəbər verir ki, bunu Moskva Dövlət Universitetinin Belozerski İnstitutunun Virusologiya şöbəsinin professoru, biologiya elmləri doktoru Aleksey Aqranovski deyib.

"Koronavirusun elə bir ştammı ortaya çıxa bilər ki, yeni kütləvi immunitetin inkişaf etdirilməsi lazım ola bilər. Belə bir ssenarinin olma ehtimalı çox azdır, ancaq Cənubi Afrikada ortaya çıxan koronavirus ştammı nadir hal ola bilər", - ekspert bildirib.

Allerqoloq-immunoloq Vladimir Bolibok isə dünyada yeni ştamların meydana çıxması səbəbindən artıq təkrarlanan infeksiyaların baş verdiyini qeyd edib.

Ekspert əmindir ki, Britaniya ştammı əleyhinə xüsusi immunitet inkişaf etdirilməlidir.