Səbəbsiz yorğunluq xərçəngin erkən simptomlarından biri ola bilər.

Aztibb.az xəbər verir ki, bunu Rusiya Səhiyyə Nazirliyinin baş onkoloqu Andrey Kaprin xərçəngin "universal" simptomlarından danışarkən deyib.

O, bildirib ki, insan pəhriz saxlamadan və qidalanmada heç bir dəyişiklik etmədən arıqlayırsa, bu da orqanizmdə onkoloji xəstəliyin inkişafına işarə edə bilər.

Onkoloqun sözlərinə görə, soyuqdəymə ilə bağlı olmayan qızdırma, uzunsürən, keçməyən öskürək, qanaxma (sidik yollarından, uşaqlıqdan, nəfəs yollarından və s.) kimi simptomlar da xərçəngin inkişafına işarə edə bilən simptomlardır.