Qadınlarda ureaplazmoz ureaplazmanın patoloji aktivliyi nəticəsində sidik-cinsiyyət orqanlarının infeksion-iltihabi xəstəliyidir.

Aztibb.az xəbər verir ki, bu barədə mama-ginekoloq, cərrah Dr. Fəxrəndə Rəsulova məlumat verib.

O, bildirib ki, xəstəliyin törədicisi sidik-cinsiyyət orqanlarının hüceyrədaxili bakteriyası ureplazmadır.

"Ureaplazmanın yalnız 2 növündə (Ureaplasma urealyticum və Ureaplasma parvum) patoloji aktivlik qeydə alınır. Yoluxma qorunmamış cinsi əlaqə və ya doğuş zamanı baş verir".

F.Rəsulova bu xəsliyin yaratdığı fəsadlardan da danışıb.

"Qadınlarda ureaplazmozun uzun sürən formaları uşaqlıq və onun artımlarında xroniki iltihabi proseslərlə ağırlaşır, belə hallar sonsuzluq, boruların bağlanması, düşük və vaxtından əvvəl doğuşlarla nəticələnir. Cinsi partnyorun infeksiyalaşması ilə vəziyyət daha da ağırlaşır, xəstəlik fonunda kişi sonsuzluğu inkişaf edə bilər", - deyə həkim qeyd edib.

Mama-ginekoloq qadınlara müraciət edib: "Xanımlara ilkin klinik əlaməti olmasa belə ildə ən azı 1 dəfə ureaplazmanın analizinin verilməsi tövsiyyə olunur".