Keçən il mart ayında İngiltərənin Burton qəsəbəsində avtomobil qəzası nəticəsində beyin travması alan 19 yaşlı Cozef Flavill, 10 ay sonra komadan ayılıb.

Aztibb.az xarici mediaya istinadən xəbər verir ki, ölkədəki karantin məhdudiyyətlərinin başlamasından 3 həftə əvvəl komaya düşən Flavill, COVID-19 epidemiyasının varlığından xəbərdar deyil. Həmçinin o, xəstəxanada iki dəfə koronavirusa yoluxub.

Ailəsi komadan çıxdıqdan sonra Flavillin hələ danışa bilmədiyini və suallara gözlərini bir-iki dəfə qırparaq cavab verdiyini söyləyir. Yalnız doğum günündə xəstəxanada bir dəfə anası ilə görüşən Flavillin daha sonra heç kimlə təmasda olmadığı bildirilir.

Yaxınları onun dünyada 2,2 milyondan çox insanın ölümünə səbəb olan koronavirus epidemiyasından xəbərsiz olduğunu söyləyib. Eyni zamanda onun müalicəsi üçün ailəsinin internetdə başlatdığı kampaniyada təxminən 43 min dollar toplandığı bildirilib.