Ən önəmli addımlardan biri uşaqlarda istəmədiyimiz davranışları ortadan qaldırmaq üçün o davranışları görməzdən gəlməkdir. Çünki valideynlərin göstərdikləri qayğı və diqqət istənməyən davranışlar üçün bəzən mükafat ola bilər.

Aztibb.az xəbər verir ki, bu barədə psixoloq Sevda Əliyeva uşaqlarla davranış barədə valideynlərə məsləhətlərini verib.

O bildirib ki, valideynlər övladlarının arzu edilən davranışlarını mükafatlandırarkən, istənilməyən davranışlarını görməzdən gələrək ortadan qaldıra bilərlər:

"Görməzdən gəlmənin bəzi diqqət edilməsi gərəkli olan nöqtələri var:

- İstənilməyən davranış "görməzdən gəlmək üçün uyğun" olmalıdır. Misal üçün uşağın özünə və ətrafına ciddi ziyan verəcək davranışları görməzdən gələ bilmərik. Bunlar üçün başqa bir metod istifadə edilir.

- Valideynlər istənilməyən davranışa bütünlüklə diqqətsiz yanaşmalıdır. Göz kontaktı qurmaqdan çəkinin sizin reaksiyalarınıza mızmızlanmasına, hətta sataşmaqlarına mümkün olduğu qədər sakit yanaşın. Əgər uşaq tez tez ağlayan bir usaqdirsa, göstərdiyi ilk mərhələdə reaksiya verməyib, səsini qaldıraraq ağlamağa başlayanda reaksiya verirsinizsə bu davranışın ortadan qalxmaq ehtimalı azdır.

- Təcrübədən müşahidə etdiyimiz nəticələrdə ilk öncə uşaqlarda davranışın pisləşməsi yəni artması daha sonra getdikcə azalması və ortadan qalxması müşahidə edilir".