La Jolla İmmunologiya İnstitutunun alimləri aşkar ediblər ki, adi soyuqdəyməyə səbəb olan digər koronavirusları tanıyan immun T-hüceyrələri SARS-CoV-2-ni də müəyyən etmək imkanına malikdir. Deməli, soyuqdəymə ilə bağlı artıq mövcud olan T-hüceyrə yaddaşı SARS-CoV-2-ni də müəyyən etməyə və effektiv immun müdafiəsi qurmağa kömək edəcək.

Aztibb.az medicalxpress.com saytına istinadla xəbər verir ki, Niderland, Almaniya, Böyük Britaniya və Sinqapurda aparılan tədqiqatlar göstərib ki, SARS-CoV-2 ilə heç vaxt əlaqədə olmamış 40%-dən 60%-ə qədər insan bu virus reaksiya verən T-hüceyrələrə malik olublar. Onların immun sistemi əvvəl rastlaşmadığı virusun fraqmentlərini tanıyıb.

Alimlər müəyyən ediblər ki, insan orqanizmi soyuqdəyməyə səbəb olan bütün növ koronaviruslara qarşı immun yaddaşın T-hüceyrələrini istehsal etmək imkanına malikdir. Bu, bəzi insanların yeni koronavirusu problemsiz keçirməyini izah edir. Onların immuniteti keçmişdə digər koronaviruslara yoluxma faktları sayəsində bu virusa hazırlıqlı olub.