Belin skeleti 5 ədəd bel fəqərəsindən və bunları bir-birilə birləşdirən qığırdaq mənşəli disklərdən təşkil olunub. Bu fəqərələr arası diskdə baş verən yırtılmalara fəqərələr arası disk yırtığı deyilir.
Yırtılan diskdən ayrılan parçalar onurğa kanalına girərək sinirləri sıxır ki, bu da özünü beldə və ayaqlarda olan ağrılarla birüzə verir. Bu da diskin müxtəlif faktorların təsiri ilə yırtılmasına gətirib çıxarır.
Disk yırtığının yaranma səbəbləri:
- Uzun müddət ağır fiziki işlə məşğul olmaq
- Artıq çəki
- Uzun müddət eyni vəziyyətdə oturmaq (ofis işçiləri, sürücülər, müəllimlər və s.)
- Bəzi insanların genetik olaraq disk yırtığı əmələ gəlməsinə meyilli olması
✔️Siqaret çəkmək (siqaret qığırdaq toxumasının qidalanmasını pozaraq, erkən degenerasiyasına səbəb olur.)