Podaqra - metabolik xəstəlik olub, orqanizmin müxtəlif toxumalarında sidik turşusu kristallarının (uratlar) toplanmasıdır. Sidik turşusunun böyrəklə xaric olmasının zəifləməsi hiperurikemiyaya gətirir ki, bu da podaqranın inkişafının əsasında duran səbəblərdən biridir.

Ayrı-ayrı şəxslərdə xəstəliyin əmələ gəlməsi və inkişafının bir çox risk faktorları var:

- Arterial hipertoniya;

- Hiperlipidemiya;

- Purin tərkibli maddələrin çox qəbulu; qırmızı ət, bəzi balıq növləri,qəhvə, kakao, çay, şokolad, alkoqol, noxud və s;

- Ümumi katabolizmada purin nukleotidlərinin miqdarının;
artması

 
- Sidik turşusu kristalları orqanizmdə çox əmələ gəlir və eyni zamanda, onun xaric olması ləngiyir (məs., həddən artıq alkoqol qəbulu, şok vəziyyəti,qlükoza-6-fosfatdehidrogenaza çatışmazlığı);

- Sidiklə sidikturşusunun xaric olmasının zəifləməsi (məs.böyrək çatışmazlığı);

- İrsi meyillik.

Hər hiperurikemiya podaqra demək deyil. Podaqranın minimum 3 klinik əlaməti olmalıdır:

- Orqanizmdə sidikturşusunun artması;

-Sidikturşusu kristallarının müxtəlif orqan və toxumalarda toplanması;

- Zədələnmə yerində kəskin iltihab, oynaq ətrafında podaqra qranuloması və tofusların olması.

Müalicə

Hazırda podaqranın klassik təbabətlə müalicəsində çətinliklər var. Biotənzimləyici preparatlar və qida korreksiyasından istifadə edərək podaqranın müaliçəsi mümkündür Qida korreksiyası üçün purin tərkibli qidaların qəbulu azaldımalıdır. Belə ki, podaqranın müalicəsində qida korreksiyası etmədən effekt əldə etmək olmaz.

Biotənzimləyici preparatlar Almaniya istehsalı olub, orqanizmin özünümüdafiə və özünütənzimləmə sistemlərini aktivləşdirir, drenaj-dezintoksi-kasiya funksiyalarını normallaşdırmaqla orqanizmi zərərli maddələrdən azad edir və maddələr mübadiləsi bərpa olunur.

Müalicə ilə terapevt, revmatoloq, nutrisioloq-dietoloq məşğul olur.