ABŞ-da son sutka ərzində 169 min 935 nəfər yeni növ koronavirusa (COVID-19) yoluxub.

Ötən 24 saatda COVİD-19-a yoluxmuş 3 min 292 nəfər vəfat edib. Beləliklə, ABŞ-da koronavirusa yoluxanların sayı 25 milyon nəfərə çatıb, ölənlərin sayı 417 min nəfəri keçib.

Böyük Britaniyada son sutka ərzində 30 004 nəfər koronavirusa yoluxub. 

Hazırda ölkədə bu virusa yoluxanların ümumi sayı 3 647 463 nəfərdir. 

Son sutka ərzində 610 nəfər COVID-19-dan həyatını itirib. Bununla da Britaniyada koronavirusdan ölənlərin ümumi sayı 97 939 nəfərə çatıb.

Türkiyədə sutka ərzində COVID-19-dan 140 nəfər vəfat edib.

Son 24 saatda simptomları da müəyyən edilməyən xəstələrlə birlikdə daha 5 min 277 nəfər COVID-19 infeksiyasına yoluxub.

Bu gün yeni növ koronavirusdan sağalan xəstələr 5 min 860, ağır xəstələr isə 105 nəfər olub.

Rusiyada son bir gündə daha 19 290 nəfərə COVID-19 diaqnozu qoyulub.

Bununla da Rusiyada koronavirusa yoluxanların sayı 3 738 690 nəfərə çatıb. Ölkədə virusdan ölənlərin sayı isə daha 456 nəfər artaraq 69 918-ə yüksəlib.

İranda koronavirusdan daha 98 nəfər vəfat edib və ölənlərin sayı 57 481 nəfərə çatıb.

Ötən 24 saat ərzində ölkədə 6 309 nəfər koronavirusa yoluxub.  İranda koronavirus daşıyıcılarından 4 057 nəfərin vəziyyəti ağır qiymətləndirilir.

Gürcüstanda ötən sutkada koronavirusa 298 yeni yoluxma halı qeydə alınıb, 1 311 nəfər müalicə olunaraq sağalıb, 16 pasiyent isə vəfat edib.

Qonşu ölkədə pandemiya başlayandan indiyədək COVID-19-a 253 816 nəfərin yoluxduğu müəyyən edilib. Onların 243 396-sı sağalıb, 3 071-i isə ölüb.

Aktiv koronavirus xəstələrinin sayı 7 323 nəfərdir.

Ermənistanda son sutka ərzində COVID-19 infeksiyasına 58 yoluxma halı qeydə alınıb, 8 nəfər ölüb.

Ölkədə indiyədək koronavirusa yoluxanların sayı 166 094, ölənlərin sayı isə 3047 nəfərə çatıb.

Koronavirusa yoluxanlardan 154 932 nəfərin sağaldığı bildirilir.