İnsan orqanizmi koronavirusdan sağalandan sonra SARS-CoV-2 virusunu "yadında saxlayır". Bu, xəstəliklə mübarizədə kömək edə bilər.

Aztibb.az xarici KİV-ə istinadən bildirir ki, Şimali Arizona Universitetinin və Genomika Translyasiyası Tədqiqat İnstitununun alimləri uzun müddətli araşdırmalardan sonra belə qənaətə gəliblər.

Alimlər immunitet sisteminin bir neçə koronavirusa necə reaksiya verdiyini analiz ediblər. Məlum olub ki, koronavirusdan sağalan xəstələrdə SARS-CoV-2 virusu anticisimlərin reaksiyası ilə üzləşir.

Tədqiqatçılar nəticələrin koronavirus xəstələrinin diaqnostikası və müalicəsində yeni üsulların inkişafına kömək edəcəyinə inanırlar.