Çində ötən sutka 103 təsdiqlənmiş və 119 asimptomatik yoluxma qeydə alınıb.

Təsdiqlənmiş yoluxmaların 47-i Heyloncian, 19-u Cilin, 18-i Hebey vilayətlərində, qalanları isə paytaxt Pekində, Şanxayda və Şensi vilayətində aşkarlanıb. 

Ötən sutka qeydə alınan 119 asimptomatik halla birlikdə hazırda Çində 929 simptomsuz COVID-19 pasiyenti var ki, Çin tərəfi bu cür simptomsuz halları təsdiqlənmiş COVID-19 xəstələri statistikasına daxil etmir.

Almaniyada son sutkada 17 862 nəfərə COVID-19 diaqnozu qoyulub.

Son 24 saatda Almaniyada 859 nəfər pandemiyanın qurbanı olub. Beləliklə, ölkədə indiyədək 2 106 262 nəfərdə koronavirus qeydə alınıb. Onlardan 50 642 nəfər dünyasını dəyişib.

Rumıniyada koronavirusa yoluxanların sayı 703 min 776 nəfərə çatıb.

Ötən gün ərzində 2878 yeni yoluxma hadisəsi baş verib. Koronavirusdan ölənlərin sayı 17 min 554 nəfərdir. İndiyədək 641 min 288 nəfər sağalıb.

Gürcüstanda son sutkada daha 903 nəfərə koronavirus diaqnozu qoyulub, 636 nəfər sağalıb, 24 pasiyent isə vəfat edib.

Hazırkı dövrədək qonşu ölkədə 251 974 nəfərin COVID-19-a yoluxduğu müəyyən edilib. Onların 238 737-si sağalıb, 3 022-si isə ölüb.

Aktiv koronavirus xəstələrinin sayı 10 189 nəfər təşkil edir.