Argentinalı mütəxəssislər Böyük Britaniyada aşkar edilmiş yeni koronavirus ştammına ilk yoluxma halını aşkar edib.

Aztibb.az-ın məlumatına görə, bu barədə Elm və Texnologiya naziri Roberto Salvaressa bildirib.

Virusun yeni ştammı dekabr ayının sonunda Mayndaki Frankfurtdan uçan təyyarəsi ilə öz ölkəsinə gələn Argentina vətəndaşında aşkar edilib. Onun Böyük Britaniyada yaşamaq icazəsi olub.

Argentinaya səyahət etməzdən əvvəl Avstriya və Almaniyaya gedib. Həmin şəxsdə xəstəlik əlamətləri olmayıb.

Danimarkada isə daha əvvəl Cənubi Afrikada aşkar edilmiş koronavirus variantına ilk yoluxma faktı qeydə alınıb.

Bu barədə Yoluxucu Xəstəliklərlə Mübarizə üzrə Dövlət İnstitutu bildirib.

İnstitut qeyd edib: "Danimarkada daha bir COVID-19 variantına ilk yoluxma halı aşkar edilib. Bu, daha əvvəl Cənubi Afrikada kəşf edilmiş B.1.351 / 501Y virusunun bir variantıdır".