Koronavirus hələ ki, həkimlər və alimlər tərəfindən az öyrənilmiş xəstəlikdir. İnfeksiyaya yoluxduqda istifadə olunan bəzi tibbi preparatlar ciddi ağırlaşmalara səbəb ola, hətta ölümə gətirib çıxara bilər.
Aztibb.az medikforum.ru-ya istinadla xəbər verir ki, bu sözləri alim Coşua Şaffsi bildirib. O, COVID-19 zamanı qəbulu əks göstəriş olan preparatların iki növü barədə xəbərdarlıq edib.
C.Şaffsinin sözlərinə görə, xəstəliklər dövründə həzm sistemi əlavə yüklənmə hiss edir, çünki məhz onun vasitəsilə bakteriyalar və viruslar bədəndən xaric olunur. Alim loperamid əsaslı diareya əleyhinə dərmanları istifadə etməməyi məsləhət görür. Bunun səbəbi onların bağırsaqların işini yavaşlatmasıdır. Buna görə infeksiya orqanizmdə daha uzun müddət qalır və həzm orqanlarını zədələyir.
"İkinci təhlükəli dərman tərkibində fenilafrin olan inhalyatorlardır. Bu dərmanın təhlükəsi ondan ibarətdir ki, o, burundakı qan damarlarını tıxayır və qan axınını pozur. Belə preparatlar yüksək təzyiqi olan insanlar üçün təhlükəlidir, koronavirus zamanı isə ciddi fəsadlara səbəb ola bilər", - deyə alim vurğulayıb.