Həkim bildirib ki, dünya tarixində epidemiyalar çox olub. Məlumdur ki, ispan qripi 50-100 milyon aralığında insanın həyatına son qoyub. Ondan qabaqkı dövrlərdə vəba, çiçək və s. epidemiyalar olub. Bunların böyük əksəriyyətinin aradan qaldırılmasında vaksinlər kömək edib. Biz xəstələnənləri müalicə edirik, Ancaq bu, o demək deyil ki, xəstələnənlər sağaldıqdan sonra bir də xəstələnməyəcək:

 

"Peyvəndlərlə bağlı mən bir daha vurğulamaq istəyirəm ki, peyvəndləmə vacibdir. Bir qrup insanlar peyvəndin əleyhinədirlər. Düşünürlər ki, hansı peyvənd tətbiq olunacaq, yaxud peyvəndin zərərləri çoxdur. Lakin digər epidemiyaların təcrübəsi göstərir ki, peyvənd olunmadan koronavirusdan canımızı qurtara bilməyəcəyik. Əgər normal həyat tərzinə qayıtmaq istəyiriksə, vaksinasiya bunun çıxış yoludur".