Rusiyada son sutka ərzində daha 24 715 nəfər yeni növ koronavirus (COVID-19) infeksiyasına yoluxub.

“RİA Novosti” xəbər verir ki, Rusiyada COVID-19-a yoluxanların sayı 3 520 531 nəfərə çatıb.

Son sutka ərzində 555 nəfərin koronavirusdan öldüyü bildirilib. Ümumilikdə koronavirusdan ölənlərin sayı 64 495 nəfərə çatıb.

Qeyd edək ki, Rusiya koronavirusa yoluxmaların sayına görə dünyada ABŞ, Hindistan və Braziliyadan sonra dördüncü yerdə gəlir.

Gürcüstanda son sutka ərzində yeni növ koronavirus infeksiyasına 1 177 yoluxma halı qeydə alınıb, 26 nəfər ölüb.

Bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.

Bununla da qonşu ölkədə koronavirusa yoluxanların sayı 245 789, ölənlərin sayı isə 2 893 nəfərə çatıb.

Koronavirusdan sağalanların sayı 229 196 nəfərdir.

Ermənistanda son sutka ərzində yeni növ koronavirus infeksiyasına 396 yoluxma halı qeydə alınıb, 11 nəfər ölüb.

Pandemiya başlayandan bəri Ermənistanda koronavirusa 163 972 yoluxma qeydə alınıb.

Ermənistanda indiyədək COVID-19-dan 2974 nəfər ölüb.