Koronavirusun məhv edilməsi üçün Rusiya və Özbəkistan alimləri tərəfindən kəşf edilən yeni üsul təhlükəlidir.

Aztibb.az xəbər verir ki, bunu tibb elmləri doktoru, viroloq Anatoli Altşteyn söyləyib. Onun sözlərinə görə, COVID-19-u radiasiya ilə müalicə edərkən xəstənin özünə zərər vermək olar.

Altşteyn virusu öldürə bilən radiasiya dozasının insanlar üçün yüksək ola biləcəyi barədə xəbərdarlıq edir. Bununla belə o, səthi təmizləmək üçün radiasiyanın istifadəsini məqbul hesab edir. Mütəxəssisin fikrincə, bu dezinfeksiya üçün yaxşı yoldur.

Qeyd edək ki, bundan əvvəl Rusiya və Özbəkistandan olan alimlər aşağı dozada radiasiyanın insana zərər vermədən virus mutasiyaları daxil olmaqla, koronavirus infeksiyasını məhv edə biləcəyini bildirmişdi.