İlk olaraq İngiltərədə aşkar edilmiş koronavirusun yeni mutasiyasına yoluxma hadisəsi Peruda da qeydə alınıb.

Aztibb.az TASS-a istinadən xəbər verir ki, bu barədə respublikanın səhiyyə naziri Pilar Mastti məlumat verib.

"Ölkəmizdə virusun yeni, Avropada dolaşan növü aşkar edilib" - nazir "Twitter"də yayımlanan mətbuat konfransı zamanı deyib.

Bildirilir ki, Britaniya ştammı Limada yaşayan bir qadında qeydə alınıb.

Böyük Britaniyada və Cənubi Afrikada yeni koronavirus ştammları müvafiq olaraq 14 və 21 dekabr 2020-ci il tarixlərində aşkarlanıb. Alimlərin fikrincə, hər iki yeni patogen daha çox yoluxucu və aqressivdir. Ümumdünya Səhiyyə Təşkilatına görə, İngiltərə və Cənubi Afrika ştammlarının əlaqəsi yoxdur.

Son məlumatlara görə, Peruda 1 026 690 koronavirusa yoluxma və xəstəlikdən 38 049 ölüm halı qeydə alınıb.