Səudiyyə Ərəbistanı Kralı Salman bin Abdul Əziz Al Səuda koronavirusa qarşı peyvənd vurulub.

Bu barədə Səudiyyə mətbuatında məlumat dərc edilib. 

Peyvəndləmədən sonra 85 yaşlı kralın səhhəti barədə məlumat verilməyib.

Xatırladaq ki, Səudiyyə Ərəbistanında “Pfizer/BioNTech” istehsalı olan peyvəndlər ötən ilin dekabrın əvvəlindən rəsmən qeydiyyatdan keçirilib. Ölkədə peyvəndləmə dekabrın 17-də başlayıb. Dövlət rəsmilərindən ilk olaraq -  dekabrın 25-də Səudiyyə vəliəhdi, Baş nazirin birinci müavini və müdafiə naziri Məhəmməd bin Salman Al Səud peyvənd edilib.