Rusiyada son sutka ərzində daha 24 217 nəfər yeni növ koronavirusa (COVID-19) yoluxub.

Bununla ölkədə COVID-19-a yoluxanların 3 308 601 nəfərə çatıb.

Son sutka ərzində 445 nəfərin koronavirusdan öldüyü bildirilib. Ümumilikdə koronavirusdan ölənlərin sayı 59 951 nəfərə çatıb.

ABŞ-da indiyədək yeni növ koronavirusa 21 036 174 yoluxma halı qeydə alınıb, ölənlərin sayı isə 357 067-yə çatıb.

Ən çox yoluxma Kaliforniya (2,45 milyon), Texas (1,82 milyon), Florida (1,37 milyon), Nyu-York (1 milyon) və İllinoys (984 min) ştatlarında qeydə alınıb.

ABŞ koronavirusa yoluxma və bu virusdan ölüm sayına görə dünyada birinci yerdədir.

İranda ötən sutka ərzində 82 nəfər COVID-19-dan ölüb.

Bununla da İranda bu virusdan ölənlərin sayı 55830 nəfərə yüksəlib.

Ölkədə ötən 24 saat ərzində 6283 nəfər koronavirisa yoluxub. Beləliklə, İranda bu virusa yoluxanların sayı 1261903 nəfərə çatıb. Virus daşıyıcılarından 4780 nəfərin vəziyyəti ağırdır.

Gürcüstanda son sutkada daha 1 800 nəfərdə koronavirusa yoluxma aşkarlanıb, 489 nəfər müalicə olunaraq sağalıb, 20 pasiyent isə həyatını itirib.

Ökədə koronavirusa yoluxanların ümumi sayı 233 min 879-a çatıb. Onların da 223 276-sı sağalıb, 2 666-sı isə ölüb.

Hazırda karantin zonalarında 484, stasionar nəzarətdə 3 901 nəfər var. Daha 765 nəfər isə xüsusi otellərdə tibbi nəzarətdə saxlanılır.

Belarusda COVID-19-a yoluxanların sayı 205 min nəfərə çatıb.

Ötən gün ölkədə 1855 nəfər koronavirusa yoluxub. Bununla da Belarusda bu infeksiyaya yoluxanların sayı 204 min 958 nəfərə çatıb, onlardan 186 min 394-ü sağalaraq evə buraxılıb, 1480 nəfəri həyatını itirib.

Ermənistanda daha 309 nəfərdə koronavirus aşkarlanıb.

Beləliklə, ölkədə virusa yoluxanların sayı 160 853 olub.

Pandemiyadan ölənlərin sayı daha 12 nəfər artaraq 2 890-a çatıb. COVID-19 diaqnozu qoyulmuş, lakin başqa səbəbdən ölənlərin sayı isə 692-yə yüksəlib. İndiyədək 146 576 pasiyent infeksiyadan sağalıb.