İsraildə milyonuncu sakin koronavirusa qarşı peyvəndlənib.

Aztibb.az “RİA Novosti”yə istinadən xəbər verir ki, ölkədə COVID-19-a qarşı vaksinasiya dekabrın 20-də başlanıb.

Məlumata görə, birinci mərhələdə səhiyyə işçiləri, geriatriya müəssisələrinin əməkdaşları və öz nümunəsi ilə vətəndaşları vaksinasiyaya təşviq etməli olan hakimiyyət nümayəndələri peyvəndləniblər.

İkinci mərhələdə yaşı 60-dan yuxarı və risk qrupuna daxil olan insanlara peyvənd vurulub.

Qeyd edək ki, İsrail noyabrın 1-dən yerli istehsal olan koronavirusa qarşı peyvəndin klinik sınaqlarına başlayıb. Bildirilib ki, sınaqlar üç fazada keçiriləcək. Sonuncu fazanın aprel-may ayında keçiriləcəyi planlaşdırılır.