Böyük Britaniyada koronavirusa yoluxmadakı artım narahatlıq doğurur.

Aztibb.az xəbər verir ki, sərtləşdirilmiş karantin qaydalarına baxmayaraq virus ölkədə sürətlə yayılır. Çərşənbə axşamı virusdan 414 nəfər həyatını itirib, ölənlərin sayı 71 mini ötüb.

Krallıqda ümumi yoluxma sayı isə 2 milyon 329 min 730 nəfərdir.

Yoluxmanın ən çox olduğu ölkələr sırasında 6-cı yerdə olan Krallığın baş tibbi məsləhətçisi Suzan Hopkins, ölkə daxilində infeksiyanın səviyyəsinin sürətlə artımının qorxu doğurduğunu söyləyib.

Qeyd edək ki, Birləşmiş Krallıqda "Pfizer-Biontech" tərəfindən hazırlanan peyvənd bu günə qədər yarım milyon insana tətbiq edilib.