Virciniya Texniki Universitetindən olan ABŞ alimləri koronavirusun ötürülməsi riskini azaltmaq üçün qapalı ərazilərdə hava nəmləndiricilərindən istifadənin kömək etdiyini müəyyənləşdiriblər.

Aztibb.az meddaily.ru-ya istinadla xəbər verir ki, rütubətin 40%-dən yuxarı səviyyədə, qış aylarında isə 60%-dən aşağı saxlanılması tövsiyə edilir.

Sübut edilib ki, bu şəraitdə virus sağ qalmır, orqanizmin qoruyucu sistemi, həmçinin tənəffüs orqanlarının selikli qişası quru hava şəraitinə nisbətən daha yaxşı işləyir. Alimlər hava yolu ilə virusun ötürülməsi ehtimalını yoxlamaq üçün apardıqları araşdırmalar zamanı bu nəticəyə gəliblər. Quru hava olan ərazilərdə virusun yayılma ehtimalının rütubətli havalı yerlərə nisbətən çox olduğu aşkarlanıb.

Alimlər bunu belə izah edirlər: aşağı rütubət zamanı virus hissəcikləri havada qalır və yoluxma qabiliyyətini saxlayır. Rütubətli havada koronavirusanın lipid qabığı daha sürətli dağılır ki, bu da patogeni inaktiv edir. Bununla yanaşı, havanın həddən artıq rütubətli olması da astma və allergiyalara səbəb olan göbələyin artması riskini yüksəldir. Həmçinin müəyyən edilib ki, daha yüksək temperaturlar koronavirusun səthlər vasitəsilə yayılmasına mane ola bilər.