Pakistanda son sutkada 1974 nəfər koronavirusuna yoluxub, 55 xəstə bu virusdan vəfat edib.

Beləliklə, ölkədə COVID-19-a yoluxanların sayı 473 min 309 nəfər təşkil edib, ümumilikdə ölənlərin sayı isə 9929 nəfər olub.

Müalicə müəssisələrində 39 min 488 xəstə olduğu bildirilir, onların 2263-nün vəziyyəti ağırdır. 423 min 892 nəfər infeksiyadan sağalaraq evə buraxılıb.

Rumıniyada koronavirusa yoluxanların sayı 618 min 429 nəfərə çatıb.

Son 24 saat ərzində 2620 yeni yoluxma hadisəsi baş verib. Koronavirusdan ölənlərin sayı 15 min 334 nəfərdir. 543 min 341 nəfər sağalıb.

Gürcüstanda ötən sutkada daha 2 012 nəfərə koronavirus diaqnozu qoyulub, 2 638 nəfər sağalaraq evə buraxılıb, 25 pasiyent isə vəfat edib.

Hazırkı dövrədək qonşu ölkədə COVID-19-a 224 155 nəfər yoluxub ki, onların da 208 951-i sağalıb, 2 443-ü isə ölüb.

Ermənistanda son sutka ərzində COVID-19 infeksiyasına 348 yoluxma halı qeydə alınıb.

Son sutkada 22 nəfər koronavirusdan ölüb və bununla da ölkədə xəstəlikdən ölənlərin ümumi sayı 2 797 nəfərə çatıb.

Ermənistanda indiyədək koronavirusa yoluxanların ümumi sayı 158 296, xəstəlikdən sağalanların sayı isə 140 942 nəfərə yüksəlib.

Karantin zonalarında 401, stasionar nəzarətdə 5 480 nəfər var. 1 287 nəfər isə xüsusi otellərdə tibbi nəzarətdə saxlanılır.