Koronavirusun mutasiyası gələcəkdə də davam edəcək.

Aztibb.az-ın məlumatına görə, bunu brifinq zamanı Ümumdünya Səhiyyə Təşkilatının (ÜST) eksperti Mariya van Kerkhove deyib.

Ekspert bildirib: "Mutasiya davam edəcək. Mutasiya - təbii prosesdir. Virusun özünə xüsusi olaraq təsir etmir, ancaq bu variantları, o cümlədən yoluxdurma potensialı nöqteyi-nəzərindən araşdırmağa davam etməliyik".

Onun sözlərinə görə, ÜST vəziyyəti yaxından izləməyə və dünyadakı mutasiyaları izləyən alimlərlə işləməyə davam edir. Təşkilatın koronavirusun yeni variantlarını öyrənən mütəxəssis qrupları var: "Onların işlərinin nəticələri yaxın günlərdə və həftələrdə alınacaq".