Böyük Britaniyada son sutkada 34 693 nəfər koronavirusa yoluxub.

Hazırda ölkədə koronavirusa yoluxanların ümumi sayı 2 256 005 nəfərə çatıb. Son sutka ərzində 210 nəfər isə koronavirusa görə həyatını itirib.

Bununla da hazırda Britaniyada koronavirusa görə ölənlərin ümumi sayı 70 405 nəfərə çatıb.

İtaliyada koronavirus infeksiyasına son bir gündə daha 10 405 nəfər yoluxub.

Ötən gün ərzində təsdiqlənmiş statistikaya əsasən, İtaliyada 261 nəfər bu virusdan ölüb, infeksiyadan ölənlərin ümumi sayı 71 620 nəfərə çatıb. Ölkədə hazırda 580 941 aktiv koronavirus xəstəsi var, onlardan 2582-si ağır vəziyyətdədir.

Rusiyada daha 28 284 nəfərdə COVID-19 aşkarlanıb, son sutka ərzində 552 nəfər koronavirusdan ölüb.

Ölkədə bu virusa yoluxanların sayı 3 050 248 nəfərə, ölənlərin sayı isə 54 778 nəfərə çatıb.

Bütün pandemiya dövrü ərzində yoluxmuş 2 038 759 nəfərdən 1 386 198 nəfər sağalıb.

Gürcüstanda ötən sutkada koronavirusa 1 097 yeni yoluxma faktı təsdiqlənib, 3 208 nəfər sağalıb, 25 pasiyent isə vəfat edib.

Hazırkı dövrədək qonşu ölkədə COVID-19 221 605 nəfərdə aşkarlanıb. Onların 203 547-si sağalıb, 2 377-si isə ölüb.

Karantin zonalarında 420, stasionar nəzarətdə 5 677 nəfər var. 1 393 nəfər isə xüsusi otellərdə tibbi nəzarətdə saxlanılır.

Ermənistanda isə 24 saat ərzində COVID-19-a 485 yoluxma halı qeydə alınıb.

Son sutkada 16 nəfər koronavirusdan ölüb və bununla da ölkədə xəstəlikdən ölənlərin ümumi sayı 2768 nəfərə çatıb.

Ermənistanda indiyədək koronavirusa yoluxanların ümumi sayı 157 834, xəstəlikdən sağalanların sayı isə 139 113 nəfərə yüksəlib