İsveçdə koronavirusun yeni ştamına bir yoluxma aşkar edilib.

Aztibb.az xəbər verir ki, COVID-19-un yeni variantı Böyük Britaniyadan Milad bayramını bu ölkədə qeyd etmək üçün İsveçə gəlmiş səyahətçidə aşkarlanıb. Virusa yoluxmuş şəxs təcrid olunub. Bundan başqa koronavirusun yeni ştamına yeni yoluxma hələ qeydə alınmayıb.

İspaniyanın “El Mundo” qəzeti də öz növbəsində COVID-19-un yeni növünə dörd yoluxma halının üzə çıxarılması haqqında bildirib.

Nəşrin informasiyasına əsasən, virusa yoluxmuş üç şəxs bir ailənin üzvləridir. Bunlar ər, arvad və onların qızıdır. Onların hamısının bu yaxınlarda Britaniyadan gəlmiş qohumlarından virusa yoluxduqları güman edilir. Yaşca cavan insan qayıdışından sonra test verib və yoluxma aşkarlanıb. Daha sonra xəstəxanaya yoluxma simptomları ilə onun ailə üzvləri müraciət ediblər və onlarda “Britaniya ştammı" aşkarlanıb.

Həmçinin Kanadanın Ontario əyalətində koronavirusun yeni formasına yoluxma aşkar edilib.

Virusa yoluxan cütlüklər Daremdə yaşayır. Bu insanların son zamanlar hər hansı əraziyə səyahətlər etmədikləri məlumdur. İndi onlar özünü təcridetmədədir.

Qeyd edək ki, dekabrın 14-də Britaniyanın Səhiyyə naziri Mett Henkok bildirib ki, ölkədə koronavirusun yeni ştammı aşkarlanıb. Koronavirusun yeni ştammı daha çox yoluxucudur, buna görə də təhlükəli sayılır.