“Pfizer və BioNTech” şirkətləri tərəfindən hazırlanmış COVID-19 əleyhinə vaksinin ilk partiyası Portuqaliyaya gətirilib.

Aztibb.az xəbər verir ki, 9 min 750 dozalıq vaksin Porto, San-Juan, Koimbra və Lissabon şəhərlərinin tibb işçiləri üçün nəzərdə tutulub.

Səhiyyə naziri Marta Temido bildirib ki, bazar ertəsi günü ölkəyə daha 70 min 200 dozalıq vaksin gətiriləcək. Bununla əlavə, Portuqaliya 2021-ci ilin birinci rübünədək 1,2 milyon vaksin almağı planlaşdırır.

Portuqaliya Səhiyyə Nazirliyinin məlumatına görə, ölkədə 391 min 782 nəfərdə koronavirusa yoluxma faktı qeydə alınıb, 6 min 478 nəfər isə vəfat edib.