Misir Milli Seçki Komissiyasının (MSK) sədri Ləşen İbrahim COVID-19-dan dünyasını dəyişib.

Aztibb.az xəbər verir ki, məlumatı komissiyanın mətbuat xidməti yayıb.

MSK sədrinin vəfatı ilə əlaqədar Misir Xarici İşlər Nazirliyi və digər rəsmi orqanlar mərhumun ailəsinə başsağlığı veriblər. L.İbrahim bu ölkədə yeni növ koronavirusdan vəfat edən ilk yüksəkvəzifəli məmurdur.

Qeyd edək ki, son günlər Misirdə COVID-19-dan ölüm halları kəskin artıb. Belə ki, iki gün ərzində 100-ə yaxın insan bu xəstəlikdən dünyasını dəyişib. Misirin Səhiyyə Nazirliyi COVID-19 əleyhinə Çin istehsalı olan vaksinlərin kiçik partiyasını ölkəyə gətirib. Yaxın aylarda 110 milyon əhaliyə vaksin vurulması prosesinə başlanacağı bildirilir.