Koronavirusun ilk dəfə Britaniyada aşkarlanmış ştammına yoluxma halı Almaniya və İsveçrədə də qeydə alınıb.

Mutasiya etmiş virus Londondan Frankfurta gəlmiş qadında tapılıb. Bildirilir ki, xəstədə hələ ki, xəstəliyin yüngül əlamətləri müşahidə olunur. Onu hava limanında qarşılamış üç nəfər də karantinə göndərilib.

Həmçinin Britaniyanın İsveçrədəki iki vətəndaşında ilk dəfə koronavirusun yeni ştammı aşkarlanıb. Onların virusu başqalarına yoluxdurub-yoluxdurmadıqları hələ məlum deyil.

Britaniyada koronavirusun yeni ştammının aşkarlanmasından sonra İsveçrə öz ərazisində COVID-19-un yeni növünün aşkarlanmasının qarşısını almaq üçün operativ tədbirlər görüb.

Qeyd edək ki, koronavirusun yeni ştammı daha çox yoluxucudur, buna görə də təhlükəli sayılır.