Mütəmadi qəbul edilən içməli su piylənmə və şəkərli diabetə səbəb olan hormonun zəifləməsinə səbəb olur.

Aztibb.az RİA Novosti-yə istinadən xəbər verir ki, ABŞ-ın Kolorado Universitetində bu barədə araşdırma aparılıb. Aparılan tədqiqat nəticələri "JCI Insight" jurnalında dərc edilib.

Universitetin Anschutz Tibb Kampusundan olan tədqiqatçıların Yaponiya, Meksika və Türkiyədən olan həmkarları ilə birlikdə siçanlar üzərində apardıqları təcrübələrdə fruktozanın piylənmə və diabetlə əlaqəli hormon olan vasopressinin sərbəst buraxılmasını stimullaşdırdığını və normal suyun da bu hormonun əmələ gəlməsinin qarşısını almağa kömək etdiyini aşkarlayıblar.

Kolorado Universitetinin Tibb fakültəsinin dosenti Dr.Miqel Lanaspa bildirib ki, vasopressinin qarşısını almağın ən yaxşı yolu su içməkdir, çünki bir çox insanın həyatını yaxşılaşdırmaq və metabolik sindromu müalicə etmək üçün ucuz və asan yoldur.

Kolorado Universitetinin Tibb Fakültəsinin professoru Dr. Richard Johnson da qeyd edib ki, şəkər, vazopressini qismən aktivləşdirərək metabolik sindroma səbəb olur. “Vasopressin, metabolik suyun saxlama mexanizmi kimi yağ istehsalını stimullaşdırır. Piylənmə və metabolik sindromun müalicəsində nəmləndirmə və duz azaltma potensialının rolu nəzərə alınmalıdır”.

Müəlliflər metabolik sindrom əlamətləri - yüksək qan təzyiqi, qan şəkəri və trigliseriddən əziyyət çəkən hər kəsə su qəbulunu artırmağı tövsiyə edirlər. Çünki, bu amillərin birləşməsi ürək xəstəlikləri, insult və 2-ci tip diabet riskini kəskin şəkildə artırır.